ປູຕິນ ເຜີຍການໂຕ້ກັບຂອງຢູເຄຼນບໍ່ໄດ້ສະເທືອນແຜນການຂອງຣັດເຊຍ

spot_img

ປູຕິນ ເຜີຍການໂຕ້ກັບຂອງຢູເຄຼນບໍ່ໄດ້ສະເທືອນແຜນການຂອງຣັດເຊຍ

ປະທານາທິບໍດີວະລາດິມີ ປູຕິນ ລະບຸວ່າ ຣັດເຊຍບໍ່ໄດ້ສະເທືອນຕໍ່ການໂຕ້ກັບຂອງຢູເຄຼນແລະບໍ່ມີຜົນຕໍ່ການປ່ຽນແປງແຜນການໃດໆ ຂອງຣັດເຊຍໃນຢູເຄຼນໄດ້ ເຕືອນຣັດເຊຍຈະຕອບໂຕ້ຢູເຄຼນຢ່າງຮຸນແຮງຂຶ້ນອີກ ຖ້າຫາກຢູເຄຼນຍັງບໍ່ຢຸດການໂຕ້ກັບແລະເຂົາຍັງບໍ່ໄດ້ໃຊ້ກອງທັບຣັດເຊຍຢ່າງເຕັມກຳລັງທັ້ງກອງທັບ

ປະທານາທິບໍດີວະລາດິມີ ປູຕິນ ຂອງຣັດເຊຍກ່າວຫຼັງສຳເລັດການປະຊຸມສຸດຍອດອົງການຄວາມຮ່ວມມືຊຽງໄຮ້ທີ່ອຸເບກິສະຖານວ່າ ການໂຕ້ກັບຂອງຢູເຄຼນຈະບໍ່ສົ່ງຜົນປ່ຽນແປງແຜນການໃດໆຂອງຣັດເຊຍໃນຢູເຄຼນ

ນັບເປັນການສະແດງຄວາມເຫັນເປັນຄັ້ງທຳອິດຂອງ ປູຕິນ ຕໍ່ຂ່າວການໂຕ້ກັບຂອງຢູເຄຼນຕໍ່ປະຕິບັດການຂອງຣັດເຊຍ
ກ່ອນໜ້ານີ້ ຢູເຄຼນອ້າງວ່າ ທະຫານຢູເຄຼນສາມາດຍຶດຄືນພື້ນທີ່ໄດ້ຫຼາຍກວ່າ 8.000ຕາຣາງກິໂລແມັດ ພາຍໃນ 6ມື້ ໃນພາກພື້ນຄາຄີ ທາງຕາເວັນອອກສຽງເໜືອຂອງຢູເຄຼນ

ແຕ່ ປູຕິນ ກ່າວວ່າ ປະຕິບັດການຂອງຣັດເຊຍໃນພື້ນທີ່ສຳຄັນຄືພາກພື້ນດອນບາສ ທາງຕາເວັນອອກຂອງຢູເຄຼນ ຍັງຄົງຄືບໜ້າບໍ່ຢຸດ ແຕ່ຣັດເຊຍບໍ່ໄດ້ໃຊ້ຄວາມວ່ອງໄວຫຼາຍເພາະບໍ່ໄດ້ຮີບຮ້ອນຫຍັງ ແຕ່ຣັດເຊຍຍັງຄົງຍຶດດິນແດນໃນດອນບາສເພີ່ມຂຶ້ນເລື່ອຍໆ.

ທັ້ງນີ້ຣັດເຊຍໃຫ້ຄວາມສຳຄັນສູງສຸດກັບການຍຶດດອນບາສ ພາກພື້ນອຸດສາຫະກຳທາງຕາເວັນອອກຂອງຢູເຄຼນ ປູຕິນ ຢືນຢັນວ່າການຍຶດດອນບາສເປັນສິ່ງຈຳເປັນ ເພື່ອປົກປ້ອງຄົນເວົ້າພາສາຣັດເຊຍໃນດອນບາສ.

spot_img

ຍອດນິຍົມ