ໜຸ່ມງົງເປັນງົງ! ຢູ່ດີໆ Google ໂອນເງິນຜິດມາເກືອບ5ຕື້ກີບ

spot_img

ໜຸ່ມງົງເປັນງົງ! ຢູ່ດີໆ Google ໂອນເງິນຜິດມາເກືອບ5ຕື້ກີບ

ບໍ່ວ່າໃຜກໍຄົງຈະເຄີຍເຮັດຫຍັງຜິດພາດ ເພາະແມ່ນແຕ່ບໍລິສັດຍັກໃຫຍ່ແບບ Google ພວກເຂົາກໍເຄີຍຜິດພາດສົ່ງເງີນເກືອບ 250.000ໂດລາ ໃຫ້ຜິດຄົນມາແລ້ວ ແຖມອີກຝ່າຍຍັງຕິດຕໍ່ກັບມາຜ່ານລະບົບສະໜັບສະໜູນ ລະບົບຂອງພວກເຂົາຍັງປ່ອຍເລື່ອງດັ່ງກ່າວປະໄວ້ ບໍ່ເຮັດຫຍັງດົນເກືອບເດືອນ

ເລື່ອງລາວໃນຄັ້ງນີ້ ເກີດຂຶ້ນກັບ Sam Curry ວິສະວະກຳຄວາມປອດໄພຈາກບໍລິສັດ Yuga Labs ( ເຊິ່ງມີຊື່ສຽງຈາກການສ້າງ NFT “Bored Ape”) ໂດຍໃນອາທິດທີ່ຜ່ານມາເຂົາໄດ້ອອກມາໂພສວ່າ

“ ເປັນເວລາກວ່າ 3ອາທິດແລ້ວທີ່ Google ສົ່ງເງີນ 249.999ໂດລາມາໃຫ້ ແລະກໍບໍ່ໄດ້ຮັບການຕິດຕໍ່ກັບມາຈາກລະບົບ Support Ticket ເລີຍ ມີວິທີຫຍັງທີ່ເຮົາຈະສາມາດຕິດຕໍ່ກັນໄດ້ບໍ່ Google ແຕ່ຖ້າບໍ່ຢາກໄດ້ເງີນຄືນກໍບໍ່ເປັນຫຍັງ” ແນ່ນອນວ່າຫຼັງຈາກການໂພສຂອງ Sam Curry ເລີ່ມເປັນກະແສ Google ກໍຮີບຕິດຕໍ່ມາທັນທີ

ໂດຍທາງບໍລິສັດລະບຸວ່າພວກເຂົາຕັ້ງໃຈຈະສົ່ງເງີນໃຫ້ຄົນອື່ນແຕ່ບັງເອີນໂອນເງີນໄປໃຫ້ຜິດຄົນແທ້ ແລະນີບໍ່ແມ່ນຄວາມຜິດພາດຂອງລະບົບ ແຕ່ເປັນຄວາມຜິດພາດຂອງບຸຄະລາກອນເອງ

“ ເຮົາຂໍຂອບໃຈອີກຝ່າຍ ທີ່ຊີ້ແຈງຂໍ້ມູນດັ່ງກ່າວໃຫ້ເຮົາຮູ້ຢ່າງວ່ອງໄວ ແລະເຮົາກຳລັງດຳເນີນການແກ້ໄຂເລື່ອງນີ້ຢູ່” ໂຄສົກ Google ບອກກັບ CNN

ນັບເປັນຄວາມໂຊກດີຂອງ Google ຫຼາຍທີ່ຄົນທີ່Google ໂອນເງີນໄປໃຫ້ຜິດຄົນນັ້ນ ບໍ່ແມ່ນໃຜກໍບໍ່ຮູ້ດຽວບັນຫາທີ່ເກີດຂຶ້ນຈຶ່ງບໍ່ບານປາຍໜັກ ແຕ່ກໍຊວນໃຫ້ຄິດຫຼາຍກວ່າດ້ວຍຄວາມບໍ່ມີປະສິດທິພາບຂອງລະບົບຊ່ວຍເຫຼືອທີ່ Sam Curry ຕ້ອງພົບ ຫາກຄົນທີ່ໄດ້ີຮັບເງີນຜິດເປັນຄົນທີ່ບໍ່ມີຊື່ສຽງຫຍັງເລີຍ ເຂົາຂະສາມາດຕິດຕໍ່ຄືນເງີນໃຫ້ Google ไ ໄດ້ຫຼືບໍ່.

spot_img

ຍອດນິຍົມ