ຊາວຣັດເຊຍສະຫຼອງການລວມດິນແດນຂອງຢູເຄຼນເຂົ້າກັບຣັດເຊຍ

spot_img

ຊາວຣັດເຊຍສະຫຼອງການລວມດິນແດນຂອງຢູເຄຼນເຂົ້າກັບຣັດເຊຍ

ຊາວຣັດເຊຍຫຼາຍມື່ນຄົນສະຫຼອງການປະກາດລວມເອົາດິນແດນ 4ແຄ້ວນຂອງຢູເຄຼນເຂົ້າເປັນຂອງຕົນ ທີ່ບໍລິເວນຈະຕຸລັດແດງ ກຣຸງມອສໂກ ເຊິ່ງປະທານາທິບໍດີວະລາດິມີປູຕິນ ຂຶ້ນກ່າວປາໄສພ້ອມ

ປະຊາຊົນຣັດເຊຍຫຼາຍໝຶ່ນຄົນ ມາລວມໂຕກັນທີ່ຈະຕຸລັດແດງໃນກຣຸງມອສໂກ ເມືອງຫຼວງຣັດເຊຍ ເພື່ອສະເຫຼີມສະຫຼອງການລວມເອົາ 4ເຂດການປົກຄອງຂອງຢູເຄຼນ ເປັນຂອງຣັດເຊຍ ເຊິ່ງໄດ້ແດ່ແຄ້ວນໂດເນສ,

ລູຮັນ, ຊາໂປຣິເຊຍ ແລະເຄີຊອນ ດ້ວຍການຈັດສະແດງຄອນເສີດຮັກຊາດ ແລະການກ່າວປາໄສຈາກບັນດາຜູ້ນຳຂອງດິນແດນຢູເຄຼນທີ່ຫາກໍຖືກລວມເຂົ້າກັບຣັດເຊຍ

ມີການຕິດຕັ້ງຈໍວີດີໂອຂະໜາດໃຫຍ່ແລະແຜ່ນປ້າຍໂຄສະນາປະກາດວ່າ “ ໂດເນສ, ລູຮັນ, ຊາໂປຣິເຊຍ, ເຄີຊອນ-ຣັດເຊຍ ແລະທາງເລືອກຂອງປະຊາຊົນ ຢູ່ດ້ວຍກັນຕະຫຼອດໄປ! ຂະນະທີ່ປະຊາຊົນເຂົ້າຮ່ວມງານຄັ້ງນີ ແໜ້ນໜາເຕັມລານຈະຕຸລັດແດງແລະພື້ນທີ່ໃກ້ຄຽງ

ດາມິທຣີ ເປຄັອບ ໂຄສົກທຳນຽບເຄຼມລິນບໍ່ໄດ້ບອກວ່າປະທານາທິບໍດີວະລາດິມີ ປູຕິນ ຈະເຂົ້າຮ່ວມຄອນເສີດທີ່ຈະຕຸລັດແດງຫຼືບໍ່ ແຕ່ເຂົາເຄີຍເຂົ້າຮ່ວມໃນເຫດການດຽວກັນນີ້ໃນປີ 2014ຫຼັງຣັດເຊຍລວມຄາບມະຫາສະໝຸດໄຄເມຍຂອງຢູເຄຼນເປັນຂອງຣັດເຊຍ.

spot_img

ຍອດນິຍົມ