ເກົາຫຼີເໜືອມາບໍ່ພັກ! ສົ່ງເຮືອບິນຮົບ 12ລຳເຂົ້າໃກ້ເກົາຫຼີໃຕ້ຫຼັງທົດສອບຂີປະນາວຸດ

spot_img

ເກົາຫຼີເໜືອມາບໍ່ພັກ! ສົ່ງເຮືອບິນຮົບ 12ລຳເຂົ້າໃກ້ເກົາຫຼີໃຕ້ຫຼັງທົດສອບຂີປະນາວຸດ

ເກົາຫຼີເໜືອສົ່ງເຮືອບິນຮົບ ເຂົ້າໃກ້ຊາຍແດນເກົາຫຼີໃຕ້ ພ້ອມທົດສອບຍິງອາວຸດເຮັດໃຫ້ກອງທັບໂສມຂາວສົ່ງເຮືອບິນຮົບ 30ລຳອອກໄປຄຸມເຊິງ ຈາກການລາຍງານຂອງນັກຂ່າວ ເກົາຫຼີເໜືອສົ່ງເຮືອບິນຮົບ 12ລຳເຂົ້າໃກ້ຊາຍແດນຂອງພວກເຂົາທີ່ເຊື່ອມຕໍ່ກັບເກົາຫຼີໃຕ້

ເຮັດໃຫ້ຝ່າຍເກົາຫຼີໃຕ້ຕ້ອງສົ່ງເຮືອບິນຂອງກອງທັບຈຳນວນ 30ລຳ ຂຶ້ນບິຮເພື່ອເປັນການຕອບໂຕ້ ຫຼັງຈາກປຽງຍາງຫາກໍທັດສອບຍິງຂີປະນາວຸດຄັ້ງທີ 6ໃນຮອບບໍ່ຮອດ 2ອາທິດ
ຕາມການເປີດເຜີຍຂອງກອງທັບເກົາຫຼີໃຕ້ ເຮືອບິນຂັບໄລ່ຂອງເກົາຫຼີເໜືອ 8ລຳກັບເຮືອບິນຖິ້ມລະເບີດອີກ 4ລຳ

ບິນແປຂະບວນ ແລະເຊື່ອວ່າເຮັດການທົດສອບຍິງຂີປະນາວຸດຈາກອາກາດສູ່ພາກພື້ນ ກ່ອນທີ່ກອງທັບຈະສົ່ງເຮືອບິນຂັບໄລ່ແລະເຮືອບິນຮົບອື່ນໆ ຈຳນວນ 30ລຳຂຶ້ນບິນ ແຕ່ບໍ່ໄດ້ມີການປະເຊີນໜ້າຫຼືປະທະກັບເຮືອບິນຂອງເກົາຫຼີເໜືອ.

ດ້ານສື່ເກົາຫຼີໃຕ້ລະບຸວ່າ ເຮືອບິນຂອງເກົາຫຼີເໜືອບິນເຂົ້າໃກ້ຊາຍແດນຈົນມີໄລຍະຫ່າງບໍ່ຮອດສິບກິໂລແມັດເທົ່ານັ້ນ ແລະອາດຈະເປັນຄັ້ງທຳອິດທີ່ເກົາຫຼີເໜືອສົ່ງເຮືອບິນຮົບເຖິງ 12ລຳ ເຂົ້າໃກ້ຊາຍແດນແລະຊ້ອມຍິງອາວຸດ.

spot_img

ຍອດນິຍົມ