ຍີ່ປຸ່ນ-ສະຫະລັດ-ເກົາຫຼີໃຕ້ ພ້ອມຮ່ວມກັນປົດອາວຸດນິວເຄຼຍເກົາຫຼີເໜືອ

spot_img

ຍີ່ປຸ່ນ-ສະຫະລັດ-ເກົາຫຼີໃຕ້ ພ້ອມຮ່ວມກັນປົດອາວຸດນິວເຄຼຍເກົາຫຼີເໜືອ

ເຈົ້າໜ້າທີ່ລະດັບສູງຂອງຍີ່ປຸ່ນ ຫາລືທາງໂທລະສັບກັບເຈົ້າໜ້າທີ່ລະດັບສູງຂອງສະຫະລັດ ແລະເກົາຫຼີໃຕ້ ປະກາດຮ່ວມມືຊຸກຍູ້ການປົດອາວຸດນິວເຄຼຍຂອງເກົາຫຼີເໜືອ
ຟູນາໂຄຊິ ທາເຄຮິໂຣ ຜູ້ອຳນວຍການກອງກິດຈະການອາຊີ

ແລະມະຫາສະໝຸດຂອງກະຊວງການຕ່າງປະເທດຂອງຍີ່ປຸ່ນ ຫາລືທາງໂທລະສັບກັບ ຊອງ ຄິມ ຜູ້ແທນພິເສດດ້ານກິດຈະການເກົາຫຼີເໜືອຂອງສະຫະລັດ ແລະ ຄິມ ກັນ ຜູ້ແທນພິເສດຂອງເກົາຫຼີໃຕ້ວ່າດ້ວຍເລື່ອງສັນຕິພາບແລະຄວາມໝັ້ນຄົງໃນຄາບມະຫາສະໝຸດເກົາຫຼີ ກ່ຽວກັບການຍິງຂີປະນາວຸດຂອງເກົາຫຼີເໜືອ

ໂດຍຕ່າງເຫັນຮ່ວມກັນວ່າການຍິງຂີປະນາວຸດຂອງເກົາຫຼີເໜືອຫຼາຍຄັ້ງຕັ້ງແຕ່ທ້າຍເດືອນທີ່ຜ່ານມາ ລວມທັງການຍິງຂີປະນາວຸດ 2ລູກ ຖືເປັນໄພຄຸກຄາມຕໍ່ຄວາມໝັ້ນຄົງຂອງພາກພື້ນ ແລະເປັນບັນຫາທ້າທາຍທີ່ສຳຄັນຂອງປະຊາຄົມໂລກ.

ລະຫວ່າງນີ້ເຈົ້າໜ້າທີ່ລະດັບສູງຂອງທັງ 3ປະເທດດັ່ງກ່າວ ຍັງປະກາດຢືນຢັນຈະເຮັດວຽກຮ່ວມືກັນຢ່າງໃກ້ຊິດ ເພື່ອເສີມການປ້ອງກັນໄພຄຸກຄາມໃນພາກພື້ນ ແລະຊຸກຍູ້ຄວາມພະຍາຍາມເພື່ອປົດອາວຸດນິວເຄຼຍຂອງເກົາຫຼີເໜືອໃຫ້ສຳເລັດດ້ວຍ.

spot_img

ຍອດນິຍົມ