ຕະເວັນຕົກໂວຍ! ປູຕິນເອົາຄືນຖະຫຼົ່ມຢູເຄຼນໜັກສຸດຕັ້ງແຕ່ເລີ່ມສົງຄາມມາ

spot_img

ຕະເວັນຕົກໂວຍ! ປູຕິນເອົາຄືນຖະຫຼົ່ມຢູເຄຼນໜັກສຸດຕັ້ງແຕ່ເລີ່ມສົງຄາມມາ

ຣັດເຊຍຖືກຕາເວັນຕົກປະນາມຢ່າງໜັກຫຼັງປະຕິບັດການຖິ້ມບອມຖະຫຼົ່ມເມືອງຕ່າງໆທົ່ວຢູເຄຼນ ໃນນັ້ນລວມເຖິງຍິງຂີປະນາວຸດເຂົ້າໃສ່ໃຈກາງກຣຸງຄຽບເປັນຄັ້ງທຳອິດ ສະຖານະການຄວາມຂັດແຍ້ງທີ່ເບິ່ງຄືຈະດຸເດືອດຍິ່ງຂຶ້ນ ເຊິ່ງກະຕຸ້ນໃຫ້ທາງສະຫະລັດຕ້ອງເລັ່ງຈັດຫາລະບົບປ້ອງກັນທາງອາກາດທີ່ລ້ຳສະໄໝມອບໃຫ້ຢູເຄຼນ

ຫ່າຝົນຂີປະນາວຸດພຸ້ງເຂົ້າສູ່ເມືອງຕ່າງໆ ຂອງຢູເຄຼນໃນສິ່ງທີ່ສະຫະລັດປະນາມວ່າເປັນການໂຈມຕີອັນໜ້າຢ້ານກົວ ຂ້ າ ຊີວິດ ຜູ້ຄົນ ເຮັດໃຫ້ໄຟດັບເປັນບໍລິເວນກ້ວາງແລະຫຼາຍພື້ນທີ່ຕ້ອງຢູ່ໂດຍປາສະຈາກເຄື່ອງເຮັດຄວາມຮ້ອນໃນປະຕິບັດການຖະຫຼົ່ມທາງອາກາດຄັ້ງໃຫຍ່ທີ່ສຸດນັບຕັ້ງແຕ່ສົງຄາມເລີ່ມຕົ້ນຂຶ້ນໃນຊ່ວງທ້າຍເດືອນກຸມພາ

ຂີປະນາວຸດຕົກລົງສູ່ທາງແຍກ ສວນສາທາລະນະ ອາຄານມະຫາວິທະຍາໄລແຫ່ງໜຶ່ງ ແລະສະຖານະການທີ່ທ້ອງທ່ຽວຕ່າງໆ ໃນກຣຸງຄຽບ ຂະນະດຽວກັນມີລາຍງານວ່າເຫດລະເບິດໃນເມືອງລະວິວ ເທີໂນພິ ແລະຊີໂຕມີ ທາງຕາເວັນຕົກຢູເຄຼນ ເມືອງດານິໂປຣແລະເຄຣເມນຊຸກ ທາງພາກກາງລວມເຖິງໃນເເຄ້ວນຊາປໍຣິຊເຊຍແລະເເຄ້ວນຄາຄິບ ທາງພາກຕາເວັນອອກ.

ເຈົ້າໜ້າທີ່ຢູເຄຼນບອກວ່າມີປະຊາຊົນຢ່າງໜ້ອຍ 14ຄົນເສຍຊີວິດແລະບາດເຈັບຈຳນວນຫຼາຍ ແລະໄດ້ລະງັບການສົ່ງອອກໄຟຟ້າໄປຍັງຢູໂຣບໃນລະຫວ່າງທີ່ພວກເຂົາພະຍາຍາມແກ້ບັນຫາໄຟຟ້າດັບທົ່ວປະເທດ.

spot_img

ຍອດນິຍົມ