ຄູ່ຮັກໄວ 94ປີ ອາດີດໝູ່ຮັກໄວເດັກ ຫ່າງກັນດົນ60ປີ ສຸດທ້າຍກັບມາແຕ່ງງານກັນ.

spot_img

ຄູ່ຮັກໄວ 94ປີ ອາດີດໝູ່ຮັກໄວເດັກ ຫ່າງກັນດົນ60ປີ ສຸດທ້າຍກັບມາແຕ່ງງານກັນ.

ຮຽກໄດ້ວ່າເປັນອີກໜຶ່ງເລື່ອງລາວສຸດປະທັບໃຈ ເມື່ອເວັບໄຊ້ຕ່າງປະເທດລາຍງານວ່າ ຄູ່ຮັກອາວຸໂສຊາວຈີນຄູ່ໜຶ່ງ ໄດ້ພົບກັບເລື່ອງລາວສຸດເຫຼືອເຊື່ອ ຫຼັງທັງຄູ່ມີໂອກາດກັບມາພົບກັນອີກຄັ້ງໃນບັ້ນປາຍຂອງຊີວິດ ທັ້ງທີ່ຂາດການຕິດຕໍ່ກັນດົນກວ່າ 60ປີ ຈົນສຸດທ້າຍໄດ້ແຕ່ງງານແລະໃຊ້ຊີວິດຢູ່ດ້ວຍກັນໃນໄວ 94ປີ

ໂດຍລາຍງານລະບຸວ່າ ທັ້ງຄູ່ເປັນໝູ່ກັນໃນສະໄໝເດັກນ້ອຍທີ່ອາຍຸເທົ່າກັນແລະເຕີບໂຕມາດ້ວຍກັນ ຈົນກະທັ່ງເກີດສົງຄາມຈີນ-ຍີ່ປຸ່ນ ຄັ້ງທີສອງ ໃນປີ 2480 ຈຶ່ງຄ່ອຍໆ ຂາດການຕິດຕໍ່ກັນ ເຊິ່ງທາງຄອບຄົວຝ່າຍຍິງໄດ້ຍ້າຍໄປຢູ່ອີກເມືອງ ຫຼັງຈາກຜ່ານໄປດົນກວ່າ 60ປີ ຝ່າຍຊາຍໄດ້ພົບກັບນ້ອງຊາຍຝ່າຍຍິງໂດຍບັງເອີນ ໃນງານລ້ຽງອາຄານຄ່ຳຂອງພະນັກງງານແຫ່ງໜຶ່ງ ເຂົາເລີຍຖືໂອກາດນີຖາມທີ່ຢູ່ຂອງລາວຈາກນ້ອງຊາຍ ກ່ອນຕັດສິນໃຈເດີນທາງໄປຢ້ຽມຢາມຮອດບ້ານ.

ເຊິ່ງວິນາທີທຳອິດທີ່ທັງຄູ່ໄດ້ພົບກັນ ທັ້ງຄູ່ດີໃຈແລະມີຄວາມສຸກຫຼາຍທີ່ໄດ້ພົບກັນອີກຄັ້ງ ທີ່ສຳຄັນທັ້ງຄູ່ຍັງໂສດແລະບໍ່ມີໃຜຂ້າງກາຍ ດັ່ງນັ້ນຈຶ່ງຕັດສິນໃຈກັບມາສານສຳພັນກັນອີກຄັ້ງ ເພື່ອເຊື່ອວ່າຊະຕາລິຂິດໃຫ້ເຮົາພົບກັນ ທ້າຍທີ່ສຸດທັ້ງຄູ່ໄດ້ຕັດສິນໃຈແຕ່ງງານແລະໃຊ້ຊີວິດຮ່ວມກັນໃນບັ້ນປາຍຊີວິດທີ່ບ້ານພັກຜູ້ອາວຸໂສແຫ່ງໜຶ່ງ( ໃນປະເທດຈີນ).

spot_img

ຍອດນິຍົມ