ຜູ້ປະກາດຂ່າວດັງ ຂໍລອຍນ້ຳຂ້າມຂອງກັບໂຕໂນ່

spot_img

ຜູ້ປະກາດຂ່າວດັງ ຂໍລອຍນ້ຳຂ້າມຂອງກັບໂຕໂນ່

ແມ່ນວ່າຈະມີດຣາມ່າ ໂຕໂນ່ ພາຄິນ ກໍ່ບໍ່ລົ້ມເລີກຄວາມຕັ້ງໃຈທີ່ຈະລອຍນ້ຳຂ້າມຂອງ ເພື່ອຊ່ວຍເຫຼືອໂຮງໝໍຕາມທີ່ຕັ້ງໃຈ ເຊິ່ງກ່ອນໜ້ານີ້ມີລາຍງານວ່າ ຍອດເງິນບໍລິຈາກຢູ່ທີ່ 7.48ລ້ານບາດແລ້ວ

ແລະມີທ່າທີວ່າຈະສູງຂຶ້ນເລື້ອຍໆ ແບບນາທີຕໍ່ນາທີ ຄາດວ່າກ່ອນຈະເລີ່ມລອຍນ້ຳຢ່າງເປັນທາງການ ຍອດບໍລິຈາກ ໂຕໂນ່ ອາດພຸ່ງສູງຮອດ 10ລ້ານກໍເປັນໄດ້ ເຊິ່ງເປົ້າໝາຍຍອດບໍລິຈາກໃນຄັ້ງນີ້ຢູ່ທີ່ 169.944.400ບາດ

ໂດຍ ໂຕໂນ່ ພາຄິນ ໄດ້ເປີດເຜີຍເຖິງຄວາມພ້ອມວ່າ ຫຼັງສຳຫຼວດລ່ອງເຮືອ ໄລຍະທາງທີ່ເປັນທາງຊື່ປະມານ 2ກິໂລແມັດ ກ່ອນຈະລອຍນ້ຳເລາະແຄມຝັ່ງແມ່ນ້ຳຂອງ ຈະໃຊ້ທ່າກົບສະລັບກັບທ່າຟີສະໄຕ ຖ້າເປັນໄປໄດ້ຕົນຈະລອຍນ້ຳໄປຂໍພອນວັດພະທາດສີໂຄດຕະບອງ ທີ່ຢູ່ໃນແຜນແລະວັດຕ່າງໆ ທີ່ຈະລອຍນ້ຳຜ່ານດ້ວຍ

ພ້ອມກັນນີ້ຍັງໄດ້ຮັບແຈ້ງມາວ່າ ອາຍ ສອນສະຫວັນ ອາດີດນັກລອຍນ້ຳທີມຊາດ ແລະຜູ້ປະກາດຂ່າວຊ່ອງ 7 ຈະຂໍຮ່ວມລອຍນ້ຳກັບໂຕໂນ່ດ້ວຍ ແຕ່ຈະມາຮ່ວມລອຍນ້ຳຂະນະທີ່ຢູ່ຝັ່ງໄທ.

spot_img

ຍອດນິຍົມ