ຕັ້ງໂລງຄູ່ສຸດເສົ້າ! 2ຜູ້ເຖົ້າຄູ່ຊີວິດສິ່ນໃຈໃນມື້ດຽວກັນ ຫຼັງຄອງຮັກນານ60ປີ

spot_img

ຕັ້ງໂລງຄູ່ສຸດເສົ້າ! 2ຜູ້ເຖົ້າຄູ່ຊີວິດສິ່ນໃຈໃນມື້ດຽວກັນ ຫຼັງຄອງຮັກນານ60ປີ

ຜູ້ສື່ຂ່າວໄດ້ລົງພື້ນທີ່ບໍລິເວນວັກທຳຣັງສີ ( ປະເທດໄທ) ຫຼັງໄດ້ຮັບແຈ້ງຈາກຊາວບ້ານວ່າມີ 2ຜູ້ເຖົ້າ ທີ່ໃຊ້ຊີວິດຮ່ວມກັນມາກວ່າ 60ປີ ປ່ວຍຕິດຕຽງທັງຄູ່ ແລະເສຍຊີວິດໃນມືດຽວກັນ ເບື້ອງຕົ້ນໄດ້ພົບກັບຍາດຂອງຜູ້ເສຍຊີວິດ ກຳລັງຈັດກຽມສະຖານທີ່ຫົດນ້ຳສົບ ທ້າວ ສົມ ສົມຄຸນ ອາຍຸ 86ປີ ແລະ ນາງ ປິ່ນ ສົມຄຸນ ອາຍຸ 84ປີ

ສາມີພັນລະຍາທີ່ເສຍຊີວິດ ໂດຍບັນຍາກາດເຕັມໄປດ້ວຍຄວາມໂສກເສົ້າຂອງລູກແລະຍາດພີ່ນ້ອງ ທີ່ໄດ້ສູນເສຍບຸກຄົນອັນເປັນທີ່ຮັກໄປພ້ອມກັນເຖິງ 2ຄົນ
ເຊິ່ງລູກຊາຍກ່າວວ່າພໍ່ແລະແມ່ອາໄສຢູ່ກັບຕົນ ໂດຍໃຊ້ຊີວິດຢູ່ຮ່ວມທຸກຮ່ວມສຸກກັນມາກວ່າ 60ປີ ເຊິ່ງທັງສອງບໍ່ເຄີຍແຍກທາງກັນ ກ່ອນເສຍຊີວິດແມ່ລົ້ມປ່ວຍດ້ວຍໂລກເບົາຫວານ

ຄວາມດັນ ປະມານປີ 2562 ແລະນອນຕິດຕຽງ ແຕ່ຖາມຕອບເວົ້າຈາຮູ້ເລື່ອງ ສ່ວນພໍ່ຈະຄອຍດູແລແມ່ຕະຫຼອດ ແຕເດືອນຕຸລາທີ່ຜ່ານມາ ແມ່ມີອາການຊຸດໜັກ ບໍ່ຮູ້ສຶກຕົວ ຕົນຈຶ່ງປະສານໄປຍັງເຈົ້າໜ້າທີ່ໂຮງໝໍ ເພື່ອນຳແມ່ໄປຮັກສາ ແຕ່ເນື່ອງດ້ວຍແມ່ມີອາການຕິດເຊື້ອໃນກະແສເລືອດ ພໍ່ເລີຍບໍ່ສາມາດໄປເຝົ້າໄດ້ ຈຶ່ງໄດ້ຄອຍຖາມໄຖ່ອາການຜ່ານຕົນເທົ່ານັ້ນ ຫຼັງຈາກນັ້ນພໍ່ກໍ່ບໍ່ກິນເຂົ້າເຮັດໃຫ້ບໍ່ມີເຫື່ອແຮງ

ຈົນລົ້ມປ່ວຍໜັກຈຶ່ງໄດ້ນຳສົ່ງໂຮງໝໍເຊັ່ນກັນພໍ່ຢູ່ຊັ້ນ 5ແມ່ຢູ່ຊັ້ນ 4 ຕຶກດຽວກັນ ແຕ່ພໍ່ແລະແມ່ກໍ່ມີອາການຕໍ່ຕ້ານການຮັກສາ ຮ້ອງຢາກກັບບ້ານດ້ວຍກັນທັງຄູ່ ຕໍ່ມາພໍ່ກໍ່ໄດ້ເສຍຊີວິດລົງ ແລະເວລາໄລ່ເລ່ຍກັນແມ່ກໍເສຍຊີວິດລົງຢ່າສະຫງົບເຊື່ອວ່າທັງສອງໄປຢູ່ສະຫວັນດ້ວຍກັນທັ້ງຄູ່.

spot_img

ຍອດນິຍົມ