ກາຍເປັນກະແສດຣາມ່າ ແຕ່ງເປັນຜີຄູບາໃນງານຮາໂລວີນ

spot_img

ກາຍເປັນກະແສເມື່ອເພຈຊື່ວ່າ ໜ້າຂ່າວຊາວພຸດອອກມາໂພສວ່າ: Halloween ກະແສ ກະຫາຍຍອດວິວ

“ລາມພຣະ ລາມຈົວ”(ເຄີຍຍິນແຕ່ຜູ້ເຖົ້າເວົ້າ)ຄື ການເວົ້າຊະຊາຍ ບໍ່ມີຂອບເຂດ ພຣະຈົວ ກໍບໍ່ລະບໍ່ເວັ້ນຈົນລະເລີຍ ຂໍ້ທີ່ຄວນ ບໍ່ຄວນບໍ່ຮູ້ຕ່ຳ ບໍ່ຮູ້ສູງໃນຍຸກສັງຄົມ ຕາມກະແສອັນໃດໄຫຼເຂົ້າມາ ຮັບທຸກຢ່າງໄຫຼໄປນຳເຂົາ ຈັກດີ ບໍ່ດີ ຮັບໝົດ ໂດຍຂາດການສຶກສາຕົ້ນປາຍສາເຫດ

ແລະຄວາມລະອຽດອ່ອນຂອງວັດທະນະທຳໂດຍສະເພາະເລື່ອງຄວາມເຊື່ອ ທາງລັດທິແລະສາສະໜາຈົນລືມຮາກເຫງົ້າຄວາມເປັນເຊື້ອຊາດ ສາສະໜາເຫັນຂອງເຂົາດີທຸກຢ່າງ ຍົກເວັ້ນຂອງຕົວເອງ ໃນສັງຄົມຍຸກບໍລິໂພກນິຍົມຈັ່ງໃດກະໄດ້ ຂໍໃຫ້ໄດ້ຍອດວິວ ຍອດໄລຄ໌ ຍອດແຊຣ໌ = ໄດ້ເງິນ

ບາງຄົນລົງທຶນເຮັດແນວແປກພິລຶກ ກຶກກືຫວາດສຽວ ກິນໄກ່ດິບໆ ງູດິບໆ ເຕັ້ນເດົ້າຟ້າ ເດົ້າແຜ່ນດິນ…..ສາລະພັດມັນສິເຮັດໄປ ຄົນໃນ socialແຫ່ເຂົ້າເບິ່ງ ມ່ວນຊື່ນກັນໄປ ເຈົ້າຂອງເພຈ ຊ່ອງຕ່າງໆກໍໄດ້ຍອດແຊຣ໌ ໄດ້ເປີເຊັນໂຄສະນາ ເຫັນວ່າໄດ້ເງິນດີ ຈຶ່ງເລີ່ມເຫັນແນວແປກໆ ວິປະລິດວິປະລາດຫຼາຍຂຶ້ນໃນ ອອນໄລນ໌ (ເຂົ້າສູ່ສັງຄົມມັກຂອງແປກ)

ຈົນໃນທີ່ສຸດ….ລາມເຂົ້າຮອດວັດຮອດວາ ແລະກໍຕາມນັ້ນ…ກະແສຕອບຮັບດີ ຫຼາຍຄົນແຫ່ຊື່ນຊົມ ຖືກເອິກຖືກໃຈ ເພາະຖືວ່າເປັນ ສິນລະປະ ຫາກວ່າ ສິນລະປະ = ການເຮັດຫຍັງກະໄດ້ ບໍ່ມີຂອບເຂດຈະລະເມິດຫົວໃຜກະຊ່າງຈັກໜ່ອຍຈະມີແຕ່ງເປັນພຣະຮ້ອງເພງ

ເຕັ້ນແຣັປເຮັດບ້າໆ ປ່ວງໆ ຕອບສະໜອງຄວາມຕ້ອງການສັງຄົມອອກມາໃຫ້ເຫັນອີກຫຼາກຫຼາຍແລ້ວສັງຄົມໄດ້ຫຍັງຈາກຄວາມມ່ວນ ຖືກກິເລດແລະ ຖິ້ມຂີ້ເຫຍື່ອທາງຄວາມຄິດແກ່ເຍົາວະຊົນ ຜູ້ອ່ອນຕໍ່ການສຶກສາ ເມື່ອເກີດມີກໍລະນີແບບນີ້ອີກ ກໍຈະອ້າງວ່າ

“ສິເປັນຫຍັງ ກະແສກະຕອບຮັບດີຢູ່ ເປັນສິນລະປະ” ຄົນເຮັດເລື່ອງນີ້ ຄົງຄິດໄວ້ກ່ອນແລ້ວ ວ່າຈະເກີດກະແສວິພາກວິຈານ ຢ່າງໜັກ ເຖິງຈະສ່ຽງແຕ່ກະຄຸ້ມ ເພາະສາສະໜາພຸດເປີດກວ້າງ (ກວ້າງຈົນໃຜສິເຮັດຫຍັງກະໄດ້) ເມື່ອທຸກຢ່າງເປັນຂອງຫຼິ້ນ ແລ້ວອັນໃດຄື ສາລະ ?ແລ້ວອັນໃດ ຄື ສິ່ງທີ່ເທິດທູນບູຊາ ?

ແລ້ວອັນໃດ ຄື ຊາດ ສາສະໜາ ?ຫາກວ່າເຮົາປ່ອຍມັນໄປ (ປ່ອຍວາງ ແບບໂງ່ໆ)ລະເລີຍກໍລະນີນີ້ໄປ ຈະມີແບບນີ້ເກີດຂຶ້ນອີກເລື້ອຍໆ ຂໍຝາກເຖິງຜູ້ພິທັກຄວາມຍຸດຕິທຳ ວ່າ: ກົດໝາຍຂໍ້ໃດ ? ວ່າດ້ວຍການແຕ່ງກາຍຮຽນແບບພຣະສົງ
ຫຼື ເຮັດໃຫ້ສາສະໜາ ໄດ້ຮັບຄວາມເສຍຫາຍ ເປັນການໂຈມຕີ ໃຫ້ເກີດຄວາມຊິງຊັງ ແຕກແຍກໃນສັງຄົມ ?
01/11/22 ທີ່ພະລານໄຊ ສະຫວັນນະເຂດ

ທີ່ມາ:ໜ້າຂ່າວຊາວພຸດ

spot_img

ຍອດນິຍົມ