ການນຳພັກ-ລັດ ຮ່ວມໃສ່ບາດໃນບຸນນະມັດສະການພຣະທາດຫຼວງ

spot_img

ການນຳພັກ-ລັດ ແລະ ມວນຊົນຮ່ວມໃສ່ບາດໃນໂອກາດ
ບຸນນະມັດສະການພຣະທາດຫຼວງ 2022

ໃນວັນທີ 8 ພະຈິກ 2022 ນີ້, ຢູ່ທີ່ເດີ່ນພະທາດຫຼວງ
ນະຄອນຫຼວງວຽງຈັນ ໄດ້ມີພິທີໃສ່ບາດຖວາຍສັງຄະທານແດ່ພະສົງ-ສາມະເນນ ເນື່ອງໃນໂອກາດບຸນນະມັດສະການພະທາດຫຼວງວຽງຈັນ ປະຈຳປີ 2022 ໂດຍການເຂົ້າຮ່ວມຂອງ

ທ່ານ ທອງລຸນ ສີສຸລິດ ປະທານປະເທດແຫ່ງ ສປປ ລາວ ພ້ອມດ້ວຍ ທ່ານ ພັນຄຳ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍການນຳພັກ-ລັດຂັ້ນສູນກາງ, ນວ, ເມືອງ ແລະ ມວນຊົນຊາວລາວທັງ

ພາຍໃນ ແລະ ຕ່າງປະເທດ ເຂົ້າຮ່ວມຈຳນວນຫຼວງຫຼາຍພ້ອມໃຈກັນໄປໃສ່ບາດຢາດນ້ຳຕາມຮີດຄອງປະເພນີທີ່ເຄີຍປະຕິບັດກັນມາໃນເມື່ອຮອດມື້ເພັງ ຂື້ນ 15 ຄໍ່າ ເດືອນ 12 ລາວ ຂອງທຸກໆປີ, ເນື່ອງຈາກໄລຍະສອງປີຜ່ານມາ
ມີການລະບາດຂອງພະຍາດໂຄວິດ-19 ຈຶ່ງເຮັດໃຫ້ບໍ່ມີພິທີໃສ່ບາດ.

ບຸນນະມັດສະການພຣະທາດຫຼວງປີນີ້ເຫັນວ່າມວນຊົນຈາກທຸກທົ່ວສາລະທິດຕ່າງກ່ໍມີຈິດໃຈໃສສັດທາ, ຫຼັ່ງໄຫມາຮ່ວມງານຢ່າງຄັບຄາໜາແໜ້ນ ແລະ ໄດ້ພ້ອມກັນໃສ່ບາດ, ຢາດນ້ຳ, ຮັບພອນ ແລະ ຟັງທຳມະເທສະໜາ ເພື່ອອຸທິດບຸນກຸສົນໃຫ້ບັນພະບູລຸດ ແລະ ເຈົ້າກຳນາຍເວນ ຕາມຄວາມເຊື້ອຂອງຊາວພຸດທີ່ສືບທອດກັນມາແຕ່ດົນນານ, ໂດຍພິທີໃສ່ບາດໄດ້ເລີ່ມແຕ່ເວລາ 7:00 ໂມງເຊົ້າ ຂອງວັນທີ 8 ພະຈິກ 2022 ກົງກັບ ມື້ເພັງ 15 ຄໍ່າ ເດືອນ 12 ພໍສໍ 2565.

ບຸນນະມັດສະການພະທາດຫຼວງວຽງຈັນປີນີ້ມີຫຼາຍກິດຈະກຳເປັນຕົ້ນແມ່ນພິທີທາງສາສະໜາ, ການແຫ່ຜາ
ສາດເຜີ້ງ, ການວຽນທຽນ, ການແຂ່ງຂັນກິລາຕີຄີ, ການວາງສະແດງສິນຄ້າ ແລະ ອື່ນໆ

ເພື່ອຮັກສາ ແລະ ເສີມຂະຫຍາຍ ວັດທະນະທຳ ຮິດຄອງປະເພນີທີ່ສືບທອດກັນມາ ແລະ ເພື່ອຄວາມເປັນສິຣິມຸງຄຸນໃຫ້ແກ່ຊີວິດ ແລະ ຄອບຄົວ.

ຂ່າວ-ພາບ: ບຸນພະຈັນ

spot_img

ຍອດນິຍົມ