Xi Jinping ຊີ້ສົງຄາມຢູເຄຼນ ສັນຍານເຕືອນໄພສໍາລັບມະນຸດ.

spot_img

Xi Jinping ຊີ້ສົງຄາມຢູເຄຼນ ສັນຍານເຕືອນໄພສໍາລັບມະນຸດ.


ຜູ້ນຳຈີນ “Xi Jinping” ຊີ້ສົງຄາມໃນຢູເຄຼນເປັນສັນຍານເຕືອນໄພສຳຫຼັບມະນຸດພ້ອມຕັ້ງຄຳຖາມກ່ຽວກັບຜົນປະໂຫຍດໃນການລົງໂທດຣັດເຊຍ
ວັນທີ 23 ມິຖຸນາ 2022 ອັນຈາຊີຣາລາຍງານວ່າ “ສີ ຈິ້ນຜິງ” ປະທານາທິບໍດີ ຈີນ ກ່າວວ່າ ຄວາມຂັດແຍ້ງໃນຢູເຄຼນໄດ້ສົ່ງສຽງເຕືອນເຖິງມະນຸດ ແຕ່ເຂົາກໍບໍ່ໄດ້ລະບຸວ່າຈະແກ້ໄຂໄດ້ແນວໃດ
ທາງການຈີນບໍ່ໄດ້ກ່າວປະນາມການບຸກຢູເຄຼນຂອງຣັດເຊຍ ທີ່ເລີ່ມຕັ້ງແຕ່ 24 ກຸມພາທີ່ຜ່ານມາ ອີກທັ້ງຍັງວິພາກວິຈານການລົງໂທດຂອງຣັດເຊຍທີ່ນຳໂດຍຊາດຕາເວັນຕົກ ເຖິງວ່າຈີນຈະພະຍາຍາມຮັກສາຄວາມສຳພັນກັບຢູເຄຼນກໍຕາມ
“ວິກິດຢູເຄຼນຖືເປັນການສົ່ງສຽງເຕືອນຕໍ່ມະນຸດອີກຄັ້ງ ປະເທດຕ່າງໆ ຈະຈົບລົງດ້ວຍຄວາມທຸກຍາກດ້ານຄວາມໝັ້ນຄົງ ຫາກພວກເຂົາຫຼົງເຊື່ອໃນຈຸດແຂງຂອງຕົວເອງ ພ້ອມຂະຫຍາຍພັນທະມິດທາງທະຫານ ແລະ ສະແຫວງຫາຄວາມປອດໄພໃຫ້ຕົນເອງແລກກັບການເສຍສະຫຼະຂອງຜູ້ອື່ນ” ທ່ານ Xi ກ່າວ ຕາມລາຍງານຂອງສື່ມວນຊົນທາງການຈີນ
ປະທານາທິບໍດີຈີນ ເຊິ່ງບໍ່ໄດ້ສະເໜີວິທີແກ້ບັນຫາໃດໆ ກ່າວເລື່ອງນີ້ລະຫວ່າງການເປີດປະຊຸມທຸລະກິດສະເໝືອນຈິງ ກ່ອນການປະຊຸມສຸດຍອດກຸ່ມປະເທດ BRICS ເຊິ່ງປະກອບດ້ວຍປະເທດບຣາຊິວ, ຣັດເຊຍ, ອິນເດຍ, ຈີນ ແລະ ອາຟິຣກາໃຕ້ ຄັ້ງທີ່ 14
ທັ້ງນີ້ ບຣາຊິວ, ອິນເດຍ ແລະ ອາຟິຣກາ ບໍ່ໄດ້ກ່າວປະນາມການຮຸກຮານຂອງຣັດເຊຍຢ່າງເປີດເຜີຍຕໍ່ຢູເຄຼນ.
ທ່ານ Xi ກ່າວວ່າ ການລົງໂທດຕໍ່ຣັດເຊຍວ່າເປັນ “Merang ແລະດາບສອງຄົມ” ເຊິ່ງຈະຈົບລົງດ້ວຍການທຳລາຍຜົນປະໂຫຍດຂອງຕົນເອງ ແລະ ຂອງຜູ້ອື່ນເທົ່ານັ້ນທ້າຍທີ່ສຸດຄວາມຂັດແຍ້ງຈະສ້າງຄວາມທຸກໃຫ້ກັບທຸກຄົນ
ເຊັ່ນດຽວກັນກັບສະຫະລັດ ອັງກິດ ແລະ ສະຫະພາບເອີຣົບ ລວມເຖິງປະເທດຕ່າງໆ ຢ່າງຍີ່ປຸ່ນ ເກົາຫຼີໃຕ້ ແລະ ສິງກະໂປ ໄດ້ກຳໜົດມາດຕະການລົງໂທດອັນເປັນຜົນຈາກສົງຄາມຢູເຄຼນ
“ຊາອີຣ ໂບນໂຊນາໂຣ” ປະທານາທິບໍດີບຣາຊິວ ໃຊ້ນໍ້າສຽງທາງການທູດລະຫວ່າງການສັ້ນໆ ໃນການປະຊຸມຄັ້ງນີ້ ໂດຍເວົ້າເຖິງຜົນການບໍລິຫານຂອງເຂົາໂດຍບໍ່ໄດ້ລະບຸຊື່ປະເທດອື່ນ
“ບໍລິບົດລະຫວ່າງປະເທດໃນປັດຈຸບັນເປັນເຫດໃຫ້ເກີດຄວາມກັງວົນເນື່ອງຈາກຄວາມສ່ຽງຕ່າງໆ ຕໍ່ກະແສການຄ້າ ແລະ ການລົງທຶທີ່ມີຕໍ່ຄວາມໝັ້ນຄົງຂຶງຫ່ວງໂຊ່ອຸປະທານພະລັງງານ ແລະ ການລົງທຶນ” ເຂົາກ່າວ ແລະ ວ່າ “ການຕອບສະໜອງຂອງບຣາຊິວຕໍ່ຄວາມທ້າທາຍເຫຼົ່ານີ້ບໍ່ແມ່ນການປິດຕົວເອງ ໃນທາງກົງກັນຂ້າມ ເຮົາໄດ້ພະຍາຍາມເຮັດໃຫ້ການຮວບຮວມກຸ່ທາງເສດຖະກິດຂອງເຮົາລຶກຊຶ້ງຍິ່ງຂຶ້ນ”
ນະໂຍບາຍຕ່າງປະເທດທີ່ແນ່ວແນ່ຫຼາຍຂຶ້ນຂອງຈີນ ແລະ ການຂັບເຄື່ອນເພື່ອຄອງຕະຫຼາດໂລກ ໄດ້ກະຕຸ້ນໃຫ້ເກີດການໂຕ້ກັບໃນສະຫະລັດເອີຣົບ ແລະ ທີ່ອື່ນໆ ນີ້ເຮັດໃຫ້ການຮຽກຮ້ອງເພີ່ມເຕີມສໍາລັບຜູ້ສະຫນອງອື່ນໆເພື່ອທົດແທນຜູ້ສະຫນອງຂອງຈີນ. ແລະເພື່ອຫຼຸດຜ່ອນການເພິ່ງພາອາໄສຂອງໂລກຕໍ່ເສດຖະກິດຈີນ
ທ່ານ Xi ເຊິ່ງສ້າງຄວາມສຳພັນໄກ້ກັບ “ວາລາດິເມຍ ປູຕິນ” ປະທານາທິບໍດີຣັດເຊຍ ຮຽກຮ້ອງໃຫ້ນາໆຊາດເຮັດວຽກຮ່ວມກັນໃນປະເດັນດັ່ງກ່າວ ໂດຍລະບຸວ່າຄວາມພະຍາຍາມທີ່ຈະສ້າງສະໜາມຫຍ້ານ້ອຍໆ ທີ່ມີກຳແພງສູງນັ້ນ ບໍ່ມີໃຜສົນໃຈ
“ເສດຖະກິດໂລກາພິວັດແມ່ນຄວາມຕ້ອງການຈຸດປະສົງສໍາລັບການພັດທະນາກໍາລັງການຜະລິດແລະທ່າອ່ຽງປະຫວັດສາດທີ່ບໍ່ສາມາດຕ້ານທານໄດ້,” ປະທານາທິບໍດີຈີນກ່າວວ່າ.
“ການກັບຄືນໄປໃນເວລາແລະການພະຍາຍາມປິດລ້ອມເສັ້ນທາງຂອງຄົນອື່ນໃນທີ່ສຸດກໍ່ຈະຂັດຂວາງເສັ້ນທາງຂອງເຈົ້າເອງ,” ເຂົາກ່າວໄວ້.

spot_img

ຍອດນິຍົມ